Xəzər Nəşriyyatı:Web Səhifəmizə Xoş Gəlmisiniz!

Bütün kitablar tək bir Kitabın daha yaxşı dərk edilməsi üçün...
Bir müsəlman kimi “Quran”ı dərk etməkdə hansı səviyyədəyik? Əslində, “Quran”a qarşı göstərdiyimiz vəfasızlıq, sadəcə Onu bilməməklə bitmir. Bizi müsəlman olaraq tanıyanlar “Quran”ın bizim həyat tərzini təbliğ etdiyini zənn edirlər. Yəni biz fərqinə varmadan nöqsanlı hərəkətlərimizlə başqalarının da “Quran”ı yanlış anlamalarına səbəb oluruq.
Məhz bu səbəblərə görə də “Quran”ı daha yaxşı anlamağa çalışmalıyıq. “Bütün kitablar tək bir “Kitabın daha yaxşı dərk edilməsi üçün...” cümləsi bütün səy və cəhdlərin “Qurani-Kərim”in daha yaxşı dərk edilməsinə xidmət etdiyini necə də gözəl ifadə edir.

Bir əsərdə “Quran”a hər tərəfli nəzər salmaq mümkün deyildir. Bu araşdırmada sadəcə, “Quran” yolunda irəli addım atmaq istəyənlərə yenə də Onun nurlu şölələri altında, möhtəviyyatını izah etməkdən daha çox, Onu “oxuma şüurunu” necə əldə edə biləcəyimizi çatdırmağı qarşımıza məqsəd qoyduq. Böyüklərimizin “Quran”a verdikləri izahlardan istifadə etdik. Səhabələrin “Quran”a olan bağlılıqlarından, sevgilərindən, hörmət və təşviqlərindən bəhs etdik. Onu necə oxuyub dinləməli olduğumuza, “Quran”ın kimlərə qarşı xəsis davrandığına, Onun əfsunlayıcı ifadələri ilə İslama girənlərə, “Quran”dan necə istifadə edə biləcəyimizə, Ona qarşı vəfasız olmamağımız üçün nələrin gərəkli olduğuna qısa və zəruri ifadələrlə toxunmağa çalışdıq.

Dünyanın hər yerində “Quran”ın gətirdiyi gözəlliklərlə tanış olan insanlar İslamı qəbul etdiyi halda, bəs biz nə üçün müsəlman olaraq dünyaya gəlişimizin verdiyi ülfət və ünsiyyət içində Ona qarşı laqeyd qalırıq? Nə olursa-olsun, üstümüzə qonan toz-torpağı silkələyib, “Quran”ın dərk edilməsi uğrunda içimizdə bir qığılcım oyada biləcəksə, onda tədqiqatımızın məqsədinə nail olduğuna ümid edə bilərik.

Bu dizayn "xəzər nəşriyyatı" na aiddir.