Kateqoriyalar

• Ana Səhifə

• Kitablar

• Dərgilər

• Elmi Əsərlər

• Tarix və Mədəniyyət

• Mənəviyyat

• Hekayələr

• Ailə

• Əlaqə

• Online Sifariş

• Tezliklə

• Mətbuatda Biz

• Satış Nöqtələri

  Səadət Əsrinin ulduzları

İnsan dostu ilə, yoldaşı ilə yaşayar.

Dostun yaxşısını seçərək, Ülkər bürcünə uzanar əllərimiz. Yox əgər pis dosta rast gəlsək, aşağı səviy­yələrə düşürər bizi.

Mütəfəkkirlərdən biri gözəl deyib: “Mənə dostunu göstər, sənin kim olduğunu deyim”.

Dost insana işıqdır, eşqdir, əzmdir, cəsarətdir.

Bir də o gözəl insanın ...

Gözəllər gözəli insanın, aləmə sultan olan, aləmlərin onun üçün  yaradıldığı o gözəl insanın ...

Əziz Peyğəmbərimizin (s.ə.s.) dostları var...

“Atam, anam sənə fəda olsun” deyə hayqıraraq əllərini, qollarını Ona uzanan düşmən qılınclarının  önün­də qalxan edən insanlar ...

Peyğəmbər Əfəndimizin (s.ə.s.) dostları...

İlan ona zərər verməsin deyə, ayağı ilə ilan deşiyini tıxayan və səsini çıxarmayan

dostları ...

Yeməyə bir tikə çörək tapmayanda gecə yarısı qapısını döydüyü dostları ...

Quranı yazdırdığı, elm öyrətdiyi və sonra uzaq diyarlara göndərdiyi fədakar dostları ...

Əshabı-Kiram əfəndilərimiz ...

Nə gözəl insanlardı onlar ...

Nə gözəl dostdur onlar ...

Nə gözəldi onlar ...

Nə gözəl dosta sahibdir onlar ...

Tərk etmədilər, xəyanət etmədilər, dostluq­la­rına kölgə salmadılar.

İnandılar, həmişə dostlarının yanında oldular, dünyanın hər tərəfinə yayıldılar və Onun işığını yaydılar, hər tərəfi nura qərq etdilər.

Soruşdular, dinlədilər, öyrəndilər, yaşa­dılar. Onlarla səadətə qovuşdu zaman və buna “səadət əsri” deyildi və tarixin şanlı, şərəfli səhifəsinə çevrildi o “əsr”.

Peyğəmbər Əfəndimizin (s.ə.s.) yüksək qiymətlən­dirdiyi o gözəl insanlar: “Əshabım göydəki ulduzlar kimidir. Hansını təqib etsəniz haqq yolu taparsınız.”

Uca səmamızda, açılan səhərimizdə, insanlığın üfüqündə hər biri bir ulduz kimi  parlayır. Bəzisi İstanbulda, bəzisi Səmərqənddə, bəzisi Qahirədə, bəzisi Məkkədə, bəzisi Dərbənddə, bəzisi də Kiprdə ...

Gecəmizi, gündüzümüzü işıqlandıran o ulduzlar... Peyğəmbər Əfəndimizin (s.ə.s.) dostları, bizim də dostlarımız. Yaşadıqları ilə, sözləri ilə sədaqət və fədakarlıqları ilə ...

Elə isə öyrənməliyik onları.

Bilməliyik hər birinin hekayəsini.

Həzrəti Dücanənin (r.a.) qəhrəmanlığını, Həzrəti Musabın (r.a.) Ona bağlılığını, Həzrəti Əbu Bəkrin (r.a.) sadiqliyini, alicənablığını, Həzrəti Əlinin (r.a.) sədaqət və elmini ...

Nə deyirsiniz, o zaman daha parlaq olmazmı səmadakı ulduzlar? Hər biri boşluq buraxılan qəlbimizə gəlib yerləşməzmi? Allah (c.c) və Rəsulu (s.ə.s.) o qəlbi sevməzmi?

Elə isə gəlin əvvəlcə bir “bismillah” deyək və başa düşməyə çalışaq bu ulduzları.

bütün haqqlar "xəzər nəşriyyatı" tərəfindən qorunur. copyright © 2008

Bu dizayn "xəzər nəşriyyatı" na aiddir.